اسحاق ڈار کے بطور وفاقی وزیر خزانہ کے منصب سنبھالنے کے بعد نئے کاروباری ہفتے کا آغاز ہوچکا ہے، جس کے انٹر بینک میں ڈالر کی قیمت میں نمایاں کمی دیکھی جارہی ہے۔

پیرکے روز انٹر بینک میں ڈالرکی قیمت میں 1.45 روپے کمی ہوئی، جس کے بعد انٹربینک میں ڈالر کی قیمت 227 روپے پر آگئی ہے۔

اسٹیٹ بینک آف پاکستان کے مطابق جمعہ کے روزانٹر بینک ڈالر 228.45 روپے پربند ہوا تھا۔

اسحاق ڈار کی واپسی خبروں نے مارکیٹ پر کسی حد تک اثرات مرتب کیے،26 ستمبر کو ڈالر کی قیمت 237.02 تھی اور ایک ہفتے کے دوران ڈالر کی قیمت میں 8.57 روپے کمی ریکارڈ کی گئی۔