پاکستان پیپلزپارٹی کے شریک چیئرمین اور سابق صدر آصف علی زرداری کی صحت میں بہتری آنے لگی، ڈاکٹرز نے تمام ضروری ٹیسٹ مکمل کرلئے۔

سابق صدر کو جلد بلاول ہاؤس منتقل کیا جاسکتا ہے۔ تاہم، منتقلی ڈاکٹرز کی حتمی اجازت سے مشروط ہے۔

آصف علی زرداری کو سانس لینے میں مشکل کے باعث 27 ستمبر کو اسپتال منتقل کیا گیا تھا، جہاں ان کے پھیپھڑوں کا پروسیجر اور دیگر ٹیسٹ کیے گئے۔

سابق صدر ایک ماہ سے زائد کے عرصے سے علیل ہیں۔ ڈاکٹر عاصم حسین کی سربراہی میں ڈاکٹروں کے بورڈ نے آصف زرداری کا طبی معائنہ کیا تھا۔