آنجہانی ملکہ برطانیہ الزبتھ دوم کے جنازے میں ان کے تابوت کی حفاظت پر معمور نوجوان سپاہی اپنے بیرک میں پراسرار طور پر مردہ پایا گیا ہے۔

اٹھارہ سالہ گھُڑسوار دستہ میں شامل جیک برنیل ولیمز ان لوگوں میں شامل تھے، جنہوں نے شاہی جنازے میں اہم کردار ادا کیا اور ملکہ کے تابوت کی حفاظت کی۔

جیک بلیوز اور رائلز رجمنٹ کا حصہ تھے، جو لندن کے نائٹس برج میں ہائیڈ پارک بیرکس میں المناک طور پر مردہ پائے گئے۔

رپورٹ کے مطابق، الارم بجنے کے بعد رات تین بجکر 48 منٹ پر پولیس اور پیرامیڈیکس اڈے کی طرف دوڑے۔

جیک کو جائے وقوعہ پر مردہ قرار دیا گیا۔ جبکہ پولیس کے مطابق جیک کی موت طبعی ہے اور کچھ بھی مشکوک نہیں ملا ہے۔

جیک ملکہ کے جنازے کے جلوس میں موجود محافظوں میں سے ایک تھے۔

آنجہانی فوجی نے قومی سوگ کی مدت کے دوران متعدد دیگر رسمی تقریبات میں بھی حصہ لیا تھا۔