پاکستان تحریک انصاف کے رہنما فواد چوہدری کا کہنا ہے کہ ایون فیلڈ ریفرنس میں بریت نظام پر سوالیہ نشان ہے، ہم سپریم کورٹ میں نیب ترمیم کیخلاف درخواست دے چکے ہیں۔

اسلام آباد مں نیوز کانفرنس کرتے ہوئے فواد چوہدری نے کہا کہ کیسے مریم اور صفدرکو کلین چٹ دی گئی؟میں اس کہانی کے تمام نکتےعوام کے سامنے رکھوں گا۔

انہوں نے کہا کہ شریف فیملی اقتدارمیں آئی توفیکٹریاں ایک سے 27 ہوگئیں، موٹروے منصوبہ اپنے دورکا مہنگا ترین منصوبہ تھا،پیسہ باہربھیج کرپاک لین اپارٹمنٹ خریدے گئے۔

ان کا کہنا تھا کہ شریف فیملی مشرف حکومت سےمعاہدہ کر کے باہر گئی، 10 سال تک پاکستانی سیاست میں مداخلت نہ کرنے کا معاہدہ کیا گیا۔

انہوں نے مزید کہا کہ بی بی سی نے ایک ڈاکیومنٹری بنائی، جس میں یہ ثابت ہوا کہ جو حدیبیہ سے پیسہ آیا اس سے جائیدادیں خریدی گئیں۔