نیب قانون میں ترامیم کے بعد اینٹی کرپشن پنجاب نے بڑا فیصلہ کرلیا، نیب میں جاری 50 کروڑ سے کم والے تمام سیاسی اور محکموں کے کیسز کی تحقیقات اب اینٹی کرپشن پنجاب کرے گا۔

نیب قانون میں ترمیم کے بعد 50 کروڑ سے کم کرپشن کے کیسز کی تحقیقات پنجاب حکومت نے کرنے کا فیصلہ کیا ہے۔

ذرائع وزیراعلیٰ آفس کاکہنا ہے کہ اینٹی کرپشن پنجاب کی جانب سے قومی احتساب بیورو (نیب)کو خط لکھا جائے گا، جس میں نیب لاہور سے 50کروڑ سے کم والے تمام کیسز سے متعلق تفصیلات مانگی جائیں گی۔

چیئرمین پی ٹی آئی عمران خان اور وزیراعلیٰ پنجاب پرویز الہٰی کی منظوری کے بعد اینٹی کرپشن پنجاب کی جانب سے خط لکھا جارہا ہے۔