وزیراعظم شہباز شریف اورآرمی چیف جنرل قمر جاوید باجوہ نے سعودی ولی عہد محمد بن سلمان کو سعودی عرب کا وزیراعظم بننے پر مبارکباد دی ہے۔

ڈی جی آئی ایس پی آر میجر جنرل بابر افتخار کے مطابق آرمی چیف جنرل قمر جاوید باجوہ نے سعودی ولی عہد شہزادہ محمد بن سلمان بن عبدالعزیز ال سعود کو وزیراعظم کا عہدہ سنبھالنے پر مبارکباد دی۔

جنرل قمر جاوید باجوہ نے شہزادہ خالد بن سلمان بن عبد العزیز ال سعود کو سعودی عرب کا وزیر دفاع مقرر کئے جانے پر بھی مبارکباد دی ہے۔

COAS congratulates HRH Prince Mohammed bin Salman bin Abdulaziz Al Saud on being appointed PM of KSA & HRH Prince Khalid bin Salman bin Abdulaziz Al Saud for being appointed Def Min, KSA. Pak values its hist & brotherly relations with KSA & ack its unique place in Islamic world.

— DG ISPR (@OfficialDGISPR) September 28, 2022

اپنے پیغام میں پاک فوج کے سربراہ نے کہا کہ پاکستان سعودی عرب کے ساتھ اپنے تاریخی اور برادرانہ تعلقات کو خصوصی اہمیت دیتا ہے۔

آرمی چیف جنرل قمر جاوید باجوہ نے مزید کہا کہ پاکستان مسلم امہ میں سعودی عرب کی خصوصی اہمیت کو تسلیم کرتا ہے۔

دوسری جانب سماجی رابطے کی ویب سائٹ ٹوئٹر پر وزیراعظم شہباز شریف نے محمد بن سلمان کے لئے عربی میں تہنیتی پیغام لکھا جس میں کہا گیا ہےکہ مملکت سعودی عرب کا وزیراعظم مقرر ہونے پر میں اپنے بھائی محمد بن سلمان کو دلی مبارکباد پیش کرتا ہوں۔

بمناسبة تعيينه رئيساً لمجلس وزراء المملكة العربية السعودية، أبارك لأخي ولي العهد الأمير محمد بن سلمان بن عبدالعزيز آل سعود، وأدعو لسموه بالتوفيق والسداد وللمملكة العربية السعودية الشقيقة بمزيد من التقدم والازدهار في ظل قيادة خادم الحرمين الشريفين الملك سلمان بن عبدالعزيز آل سعود. pic.twitter.com/QJDzC9sVw6

— Shehbaz Sharif (@CMShehbaz) September 28, 2022

وزیراعظم نے اپنے پیغام میں محمد بن سلمان کی کامیابی کے لئے دعا کرتے ہوئے کہا کہ خادم حرمین شریفین شاہ سلمان بن عبدالعزیز کی قیادت میں سعودی عرب مزید ترقی کرے گا۔