ڈار کے آتے ہی ڈالر پر کپکپی طاری ہونے سے روپے نے جان پکڑ لی۔

اسحاق ڈار کی بطور وزیر خزانہ نامزدگی کے بعد سے ہی ڈالر کی قدر میں کمی کا سلسلہ جاری ہے، اسٹیٹ بینک کے مطابق بدھ کے روز ایک روپے 79 پیسے مزید کمی کے بعد ڈالر 232 روپے 12 پر بند ہوا ہے۔

کاروباری ہفتے کے ابتدائی تین دنوں میں ڈالر کے بھاؤ میں 6.53 روپے کی کمی ہوئی یے جب کہ اوپن مارکیٹ میں امریکی کرنسی کی قیمت فروخت 232.12 روپے ہے۔

واضح رہے کہ رواں ماہ ڈالر کی قدر میں 13 روپے 52 پیسے کا اضافہ ہوچکا ہے۔

گزشتہ روز ملکی تبادلہ منڈیوں میں 3 روپے 11 پیسے کمی کے بعد ڈالر 233.91 روپے پر بند ہوا تھا۔