صوبائی وزیر تعلیم سندھ سردار شاہ کا کہنا ہے کہ سیلاب کے باعث سندھ کے 28 لاکھ بچوں کی تعلیم متاثر ہوسکتی ہے۔

کراچی ایکسپو سینٹرجاب فیئرکے افتتاح کے بعد میڈیا سے گفتگو کرتے ہوئے سردار شاہ کا کہنا تھا کہ بارشوں سے لوگوں کی معاشی صورتحال خراب ہے، صوبے کے کئی اضلاع سے اب بھی شکایات آرہی کہ بارش کا پانی ابھی تک نہیں نکل سکا۔

انہوں نے مزید کہا کہ 15 اکتوبرتک کی ڈیڈ لائن دی ہے جس نے کام نہیں کیا وہ گھرجائے گا۔

ان کا کہنا تھا کہ ہمارے کافی اسکولز خستہ حال ہیں، 300 سو اسکولوں کو خیمے فراہم کیے ہیں۔