فراڈ کیس میں راولپنڈی پولیس نے سابق ایم این اے جمشید دستی کو گرفتار کر لیا۔

پولیس کے مطابق جمشید دستی کو گزشتہ رات راولپنڈی سے گرفتار کرنے کے بعد ابتدائی طور پر نیو ٹاؤن پولیس کے حوالے کیا گیا ہے، بعدازاں جمشید دستی کو مظفر گڑھ پولیس کے حوالے کیا جائے گا۔

جمشید دستی تھانہ محمود کوٹ مظفر گڑھ میں درج مقدمے میں اشتہاری تھے۔

سابق ایم این اے کے خلاف مقدمہ ٹرک ڈرائیور ایسوسی ایشن نے درج کروایا تھا، ان پر 38 لاکھ روپے کی خیانت کا الزام ہے۔