سینئر رہنما ن لیگ اسحاق ڈار کی وزیراعظم شہباز شریف کے ہمراہ پاکستان واپسی کا امکان ہے۔

وزیراعظم شہباز شریف اور قائد مسلم لیگ (ن) کی لندن میں نا معلوم مقام پر ملاقات جاری ہے۔

ذرائع کے مطابق دونوں رہنماؤں کے مابین جاری ملاقات میں اسحاق ڈار بھی موجود ہیں جس میں فیصلہ کیا گیا ہے کہ وہ منگل کو سینیٹ رکنیت کا حلف لینے کے بعد وفاقی وزیر خزانہ کا عہدہ سمبھالیں گے۔

ذرائع کا کہنا ہے کہ بیٹھک میں عمران خان کے لانگ مارچ، آرمی چیف کی تعیناتی سمیت موجودہ ملکی معاشی صورتحال اور پنجاب میں تبدیلی زیر بحث ہے۔

واضح رہے کہ وفاقی وزیر داخلہ رانا ثنا اللہ کا ایک بیان میں کہنا تھا کہ اسحاق ڈار آئندہ ہفتے پاکستان پہنچ رہے ہیں جس کے بعد وہ حکومتی معاشی ٹیم کی قیادت کریں گے۔