خیبرپختونخواہ میں ڈینگی کیسز میں مسلسل اضافہ ہو رہا ہے، صوبے بھر میں ڈینگی کیسز کی تعداد 6 ہزار سے تجاوز کرگئی۔

محکمہ صحت خیبرپختونخوا کے مطابق صوبے میں گزشتہ 24 گھنٹوں میں 284 افراد ڈینگی کا شکار بنے جس کیساتھ صوبے میں ڈینگی کیسز کی تعداد 6 ہزار 153 ہوگئی۔

خیبرپختونخوا میں ڈینگی سے اب تک 6 اموات رپورٹ ہوچکی ہیں، صوبے کے مختلف اسپتالوں میں 110 ڈٰینگی مریض زیر علاج ہیں۔

جبکہ گزشتہ 24 گھنٹوں میں پشاورمیں سب سے زیادہ 169نئے ڈینگی کے کیسزرپورٹ ہوئے- مردان میں 58 اورمانسہرہ میں 22 نئے کیسزرپورٹ ہوئے۔