سینئر صوبائی وزیر پنجاب میاں اسلم اقبال نے کہا ہے کہ وفاق کو خط لکھ رہے ہیں کہ آئندہ کسی آفیسر کو پنجاب سے بلانے کے لئے ہم سے اجازت طلب کرے، پنجاب میں گورنر راج لگانے کے لئے اس حکومت میں اتنی طاقت نہیں۔

سینئر صوبائی وزیر میاں اسلم اقبال نے آج نیوز سے گفتگو کرتے ہوئے کہا کہ پنجاب حکومت تبدیلی کی افواہوں کے حوالے سے کچھ افسران اس سازش میں ملوث ہیں، جن کے بارے جلد پریس کانفرنس کروں گا۔

انہوں نے کہا کہ موجودہ وفاقی حکومت کی یہ پوزیشن نہیں کہ پنجاب میں گورنر راج لگا سکے۔

میاں اسلم اقبال کا کہنا تھا کہ ہم وفاق کو ایک خط لکھ رہے ہیں جس کے بعد وفاقی حکومت کسی بھی آفیسر کو ہماری مرضی کے بغیر واپس نہیں بلا سکے گی۔