خیبرپختونخوا میں لمپی اسکن کے وار جاری ہیں، صوبے بھر میں مجموعی طور پر ایک لاکھ 4 ہزار 951 جانور متاثر جبکہ 5 ہزار 903 جانور ہلاک ہوئے۔

اس حوالے سے محکمہ لائیو اسٹاک خیبر پختونخوا حکام کا کہنا ہے کہ حالیہ سیلاب سے لائیو اسٹاک کی مد میں اب تک 5 ارب سے زائد کا نقصان ہوچکا ہے اور اگر لپمی اسکن کی بروقت روک تھام نہ کی گئی تو نقصان 50 ارب تک بھی جاسکتا ہے۔

حالیہ سیلاب سے صوبے کے 13 متاثرہ اضلاع میں 89 ہزار سے زائد جانوروں ہلاک ہوئے، اسی طرح 305 باڑے مکمل جبکہ 4 سو کو جزوی نقصان پہنچنے کے ساتھ ساتھ 136 محکمہ لائیو اسٹاک کے دفاتر میں متاثر ہوئے۔

محکمہ لائیو اسٹاک کے مطابق صوبے میں 13 لاکھ سے زائد جانوروں کو ویکسینٹ کیا جاچکا ہے جبکہ لمپی اسکن سے صوبے میں 57 ہزار 980 جانور صحت یاب بھی ہوئے۔