وزیرخارجہ بلاول بھٹو زرداری جنرل اسمبلی کے اجلاس میں شرکت کے لیے امریکا پہنچ گئے۔

سفارتی ذرائع کے مطابق وزیرخارجہ وزیراعظم شہباز شریف کے وفد میں شریک ہوں گے جہاں وہ نیویارک میں اقوام متحدہ کی جنرل اسمبلی اجلاس میں شرکت کریں گے۔

سفارتی ذرائع کا کہنا ہے کہ بلاول بھٹو زرداری جنرل اسمبلی کی سائیڈ لائینز پر دیگر وزرائے خارجہ سے ملاقاتیں کریں گے۔

وزیرخارجہ بلاول بھٹو زرداری امریکا میں میڈیا اور تھنک ٹینکس سے بات بھی کریں گے۔

مزید پڑھیں: وزیر اعظم 23 ستمبر کو اقوام متحدہ کی جنرل اسمبلی سے خطاب کریں گے

سفارتی ذرائع نے مزید بتایا کہ وزیر خارجہ جی 77 اجلاس میں شرکت اور شرکاء سے ملاقاتیں بھی کریں گے، اس کے علاوہ بلاول بھٹو جموں و کشمیر کانٹیکٹ گروپ کے اجلاس میں بھی شرکت کریں گے۔

یاد رہے کہ اقوام متحدہ کی جنرل اسمبلی کا 77 واں اجلاس آج سے 23 ستمبر تک نیویارک میں شروع ہورہا ہے۔