طبی ماہرین کی تحقیق کے مطابق اگر آپ اپنے معمول کے وقت سے صرف ایک گھنٹہ پہلے جاگنے کی عادت ڈال لیں تو صحت، ملازمت اور روزمرہ زندگی میں غیرمعمولی فائدے حاصل کرسکتے ہیں۔

رپورٹ کے مطابق طبی ماہرین نے بتایا ہے کہ صبح سویرے اٹھنے کے بےشمار فوائد ہیں۔ جلد بیدار ہوکر ورزش کے لیے مناسب وقت مل جاتاہے،صبح سویرے ہلکی ورزش سے پورے دن آپ کا موڈ خوشگوار رہتا ہے اورکارکردگی بہتر رہتی ہے۔

ایک گھنٹہ پہلے اٹھنے کی صورت میں آپ کو ناشتے کے لیے زیادہ وقت ملے گا اورآپ ضروری غذائی اجزاء سے بھرپور ناشتہ سکون سے بھی کرسکیں گے۔

اس سے آپ کی صحت اچھی ہوگی، چڑچڑے پن کی جگہ خوش مزاجی آپ کی عادت بن جائے گی جو دفتر، گھر اور حلقہ احباب میں آپ کو مقبول بنانے کا باعث بنے گی۔

جلدی بیدار ہونے کی صورت میں آپ کے اعصاب بھی پرسکون رہیں گے اورآپ ایسے بہت سے خطرات سے محفوظ رہیں گے جو ہیجان زدہ اعصاب کے باعث آپ کو گھیر سکتے ہیں۔

صرف ایک گھنٹہ جلدی جاگنے کی صورت میں آپ کو اپنا حلیہ درست کرنے اور کپڑے استری کرنے کے لیے مناسب وقت مل جاتا ہے۔