اداکارہ یمنیٰ زیدی نے سوشل میڈیا پوسٹ کے ذریعے اپنے مداحوں سے ڈراما سیریل بختاور نہ نشر ہونے کی وجہ پوچھ لی ۔

اپنی انسٹاگرام پوسٹ میں یمنیٰ زیدی نے مداحوں سے دلچسپ سوال پوچھا کہ پچھلے دو ہفتوں سے ڈرامہ بختاور نشر کیوں نہیں ہورہا ؟۔

یمنیٰ کا کہنا تھا کہ انہیں اچھی طرح یاد ہے کہ انہوں نے تو ان دونوں اقساط کی شوٹگ مکمل کر لی تھی ۔

انہوں نے اپنے مداحوں سے تفتیشی انداز میں پوچھا کہ کیا انہیں اس کے نشرنہ ہونے کی وجہ معلوم ہے؟ اس بارے میں اگر وہ کچھ جانتے ہیں تو براہ کرام انہیں بھی بتائیں۔

یاد رہے کہ یمنہ زیدی ڈرامہ سیریل بختاور میں ایک ایسی لڑکی کا کردار نبھا رہی ہیں جو مشکلات کو ارد گرد دیکھتے ہوئے لڑکے کا روپ دھارنے پر مجبور ہیں۔