اسلام آباد سیکٹرای سیون میں قائم جانوروں کے اسپتال میں کتے کی ہلاکت کا مقدمہ درج کرلیا گیا۔

تھانہ کوہسارمیں متاثرہ خاتون کی مدعیت میں درج مقدمہ میں کہا گیا کہ بیمار کتے کو اسپتال میں چھوڑ کرگئے تھے، لیکن دوسرے روز ڈاکٹر نے فون کرکے بتایا کتا مرگیا ہے۔

“دوسرے روز اسپتال پہنچنے پر ہلاکت کی وجہ اور رپورٹ کا مطالبہ کیا، تو ڈاکٹراورعملے کے 12 افراد نے حراساں کرنے کے ساتھ جان سے مارنے کی دھمکی دی۔”

درج مقدمے میں اسپتال کے ڈاکٹرز سمیت 12 ملازمین کو نامزد کیا گیا ہے۔

دوسری جانب کتے کو ہلاک کرنے والے ملزم کو اسلام آباد میں جوڈیشل مجسٹریٹ شعیب اختر کی عدالت میں پیش کیا گیا، جہاں ان کی 50 ہزار روپے مچلکوں کےعوض ضمانت منظور کرلی گئی۔

کوہسارپولیس نے دیگر ملزمان کی گرفتاری کے لیے جسمانی ریمانڈ کے بجائے جوڈیشل ریمانڈ پر جیل بھیجنے کی استدعا کی تھی، جبکہ ملزم کے وکیل نے جوڈیشل ریمانڈ منظور ہونے پر درخواست ضمانت دائر کی۔

وکیل نے استدعا کی کہ مقدمہ میں لگی دفعات قابل ضمانت ہیں، تو ضمانت منظور کی جائے، جس پرعدالت نے ملزم کو رہا کرنے کا حکم جاری کر دیا۔