جنرل ریٹارئرڈ طارق خان کا کہنا ہے کہ وزیراعظم کے پاس آرمی چیف لگانے کا اختیار ہوتا ہے۔

آج نیوز کے پروگرام ‘آج رانا مبشر کے ساتھ’ میں گفتگو کرتے ہوئے طارق خان نے کہا کہ چین پاک اقتصادی راہداری (سی پیک) سے دنیا کو فائدہ پہنچے گا، ہمیں امریکا کو بھی سی پورٹ دینا چاہئے۔

انہوں نے کہا کہ آرمی چیف کے تقرر و تبادلے پر بحث نہیں ہونا چاہئے کیونکہ وزیراعظم کے پاس فوج کا نیا سپہ سالار لگانے کا اختیار ہوتا ہے اور جو چار نام تقرری کیلئے آتے ہیں وہ میرٹ پر ہوتے ہیں۔

جنرل (ر) طارق نے کہا کہ لوگوں کو بہت زیادہ سیاسی اسپیس مل گیا ہے جس کی وجہ سے وہ لوگ زیادہ باتیں کرتے ہیں۔

ایک سوال کے جواب میں ان کا کہنا تھا کہ افغانستان سے فوجی انخلاء سیاسی فیصلہ تھا جب کہ مسئلہ کشمیر حل ہونے تک بھارت سے ہمارے تعلقات بہتر نہیں ہو سکتے۔