چیئرمین پی ٹی آئی اور سابق وزیراعظم عمران خان کی سابقہ اہلیہ جمائما گولڈ اسمتھ (جمائما خان ) نے ملکہ برطانیہ الزبتھ دوم کے انتقال پرانہیں خراج عقیدت پیش کرتے ہوئے اپنی اورعمران خان کی ایک یادگار تصویر شیئرکی ہے۔

انسٹاگرام پرملکہ کی بھی مختلف تصاویر شیئرکرنے والی جمائما نے کیپشن میں انہیں بہترین الفاظ کے ساتھ خراج عقیدت پیش کیا۔

عمران خان اور جمائما کی ملکہ کے ساتھ یہ تصویر سال 1997 میں کھینچی گئی تھی جب ملکہ دورہ پاکستان کے لیے تشریف لائی تھیں۔

شنیرا نے وسیم اکرم کی ملکہ برطانیہ کے ساتھ یادگار تصویر شیئر کردی

تصویرمیں جمائما کوسر پر دوپٹہ اوڑھے ہوئے خالصتاً مشرقی اندازمیں دیکھا جاسکتا ہے تو عمران خان بھی روایتی شلوارقمیض اور ویسٹ کوٹ میں ملبوس ہیں۔

ملکہ کی موت پر شاہی خاندان کے ساتھ اظہارِتعزیت کرنے والی جمائما نے الزبتھ دوم کونایاب خصوصیات کاحامل قراردیتے ہوئے لکھا کہ انہوں نےعوامی زندگی میں شائستگی، نظم و ضبط، وقار،عزم اورمستقل مزاجی نبھائی ۔

ملکہ کے لیے دعاگو جمائما نے لکھا کہ انہیں اس افسوسناک خبرپراپنی برطانیہ میں عدم موجودگی بہت عجیب لگ رہی ہے۔