بھارتی کرکٹر ویرات کوہلی نے تین سال طویل انتظار کے بعد انٹرنیشنل کرکٹ میں سنچری بنا ڈالی۔

ایشیا کپ کے سُپر فور مرحلے کے ڈیڈ ربڑ میچ میں ویرات کوہلی نے افغانستان کے خلاف 61 گیندوں پر 122 رنز کی اننگ کھیل کر ٹی ٹوئنٹی انٹرنیشنل فارمیٹ میں اپنی پہلی سنچری اسکور کی ہے۔

اس اننگ کے بعد ویرات کوہلی کی مجموعی سنچریز کی تعداد 71 ہوگئی ہے جب کہ بھارتی بلے باز نے اس سے قبل 2019 میں بنگلادیش کے خلاف انٹرنیشنل کرکٹ میں اپنی 70ویں سنچری بنائی تھی۔