وزیراعظم شہباز شریف، آرمی چیف جنرل قمر جاوید باجوہ اورچیئرمین تحریک انصاف عمران خان سمیت دیگر رہنماؤں نے بھارت کیخلاف شاندار فتح پر قوم ٹیم کو مبارکباد دی ہے۔

شاباش ٹیم پاکستان، آپ نے قوم کے دل بھی جیت لیے، وزیراعظم

شاباش ٹیم پاکستان، وزیراعظم شہبازشریف نے ایشیا کپ ٹی 20 کےسپر4 مرحلے میں بھارت کو شکست دینے پر قوم اور پاکستانی کرکٹ ٹیم کو فتح پر مبارکباد دی ہے۔

وزیراعظم نے اپنے پیغام میں کہا کہ پاکستان کی جیت پر قوم اور کرکٹ ٹیم کے کھلاڑیوں کو مبارکباد دیتا ہوں، آپ نے قوم کے دل بھی جیت لیے۔

🇵🇰

— Shehbaz Sharif (@CMShehbaz) September 4, 2022

بھارت کیخلاف شاندار کامیابی ، بلاول بھٹو کاتمام کھلاڑیوں کو خراج تحسین

وزیرخارجہ بلاول بھٹو نے بھارت کیخلاف شاندار کامیابی پر کپتان پاکستان کرکٹ ٹیم بابر اعظم سمیت تمام کھلاڑیوں کو خراج تحسین پیش کیا۔

بلاول بھٹو زرداری نے کہا کہ دعا گو ہوں ہماری کرکٹ ٹیم اور پاکستان ہمیشہ سرخرو ہوں۔

مریم نواز کی قومی کرکٹ ٹیم کو بھارت کیخلاف شاندار کامیابی پر مبارکباد

مسلم لیگ (ن )کی نائب صدر مریم نواز نے بھی قومی کرکٹ ٹیم کو بھارت کیخلاف شاندار کامیابی پر مبارکباد دی۔

Thank you & well done Team Pakistan for bringing us joy & smiles amid a terrible calamity. Pakistan Zindabad🇵🇰 💚

— Maryam Nawaz Sharif (@MaryamNSharif) September 4, 2022

مریم نواز نے اپنے ٹویٹ میں لکھا کہ خوفناک آفت کے درمیان ہمارے چہروں پر خوشی اور مسکراہٹیں لانے کیلئے آپ کا شکریہ۔۔ شاباش ٹیم پاکستان۔ پاکستان زندہ باد!

پاکستان کو زبردست فائٹ بیک اور جیت پر مبارکباد دیتا ہوں، عمران خان

پاکستان تحریک انصاف (پی ٹی آئی) کے چیئرمین اور سابق کپتان عمران خان نے بھارت کیخلاف شاندار فتح پر قومی ٹیم کو مبارک باد دی۔

Congratulations Team Pakistan for a great fight back and win; and for keeping your nerve under pressure. This was a much needed morale booster for the nation at a difficult time.

— Imran Khan (@ImranKhanPTI) September 4, 2022

عمران خان نے اپنے ٹوئٹر پیغام میں لکھا کہ ٹیم پاکستان کو زبردست فائٹ بیک اور جیت پر مبارکباد دیتا ہوں، پاکستانی ٹیم نے انتہائی دباؤ میں اعصاب پر قابو رکھا، مشکل وقت میں قوم کا مورال بلند کرنے کیلیے یہ جیت ضروری تھی۔

ٹیم پاکستان ہمیں آپ پر فخر ہے، آرمی چیف

دوسری جانب مسلح افواج نے بھی قومی ٹیم کو بھارت کیخلاف شاندار فتح پر مبارکباد دی ہے۔

Armed Forces congratulate green shirts for an exciting win against India. “You have made us all proud Team Pakistan”COAS.
Pakistan 🇵🇰 Zindabad.

— DG ISPR (@OfficialDGISPR) September 4, 2022

آرمی چیف جنرل قمر جاوید باجوہ نے کہا کہ ٹیم پاکستان ہمیں آپ پر فخر ہے جبکہ ڈی جی آئی ایس پی آر نے بھی قومی ٹیم کو مبارکباد دی۔