پاکستان تحریک انصاف (پی ٹی آئی) کے رہنما فواد چوہدری کا کہنا ہے کہ حکومت سے مذاکرات کیلئے تیار ہے لیکن یہ مذاکرات خفیہ نہیں ہوں گے۔

اپنے ٹوئٹر بیان میں فواد چوہدری نے کہا کہ ان مذاکرات کیلئے صرف ایک شرط ہے کہ انتخابات کا اعلان کیا جائے۔

انہوں نے مزید کہا کہ بیک ڈور گفتگو وہاں ہوتی ہے جہاں معاملات عوام کی بجائے اشرافیہ نے طے کرنے ہوتے ہیں۔

ان کا کہنا تھا کہ اب پاکستان میں کسی کے ہاتھ کچھ نہیں، فیصلے عوام نے اپنے ہاتھ میں لے لئے ہیں۔