وزیراعلیٰ سندھ مراد علی شاہ کا کہنا ہے کہ سیہون شہر کو بچانے کیلئے منچھر جھیل کو کٹ لگایا گیا ہے۔

سیہون میں میڈیا سے گفتگو کرتے ہوئے وزیراعلیٰ سندھ مراد علی شاہ کا کہنا تھا کہ تیز ہوا کے باعث منچھرجھیل کے بند پر پانی کا دباؤ تھا، سیہون شہرکوخطرہ تھا جس کے باعث کٹ لگایا گیا۔

انہوں نے کہا کہ منچھر جھیل کو کٹ لگانے سے پانچ یونین کونسلز متاثر ہوں گی۔ پورے سندھ کا پانی منچھرجھیل میں آیا۔

ان کا کہنا تھا کہ کوشش ہے بھان سعید آباد اور سیہون کو بچائیں،اس مشکل صورتحال میں ہم متاثرین کے ساتھ کھڑے ہیں۔

اس سے قبل، شرجیل میمن کا کہنا تھا کہ “منچھر جھیل کے بند کسی بھی وقت ٹوٹنے کا امکان ہے، اس لیے لوگوں سے درخواست کی جاتی ہے کہ وہ علاقہ خالی کر دیں اور محفوظ مقامات پر چلے جائیں۔”

سندھ کے مختلف اضلاع تاحال اب بھی سیلاب کی لپیٹ میں ہیں، ہرجگہ پانی، کئی مکانات منہدم، سڑکیں برباد اور کھانے پینے کی اشیاء نایاب ہے۔