ارجنٹینا کی نائب صدرکرسٹینا فرنانڈیزڈی کرچنرقاتلانہ حملے میں بال بال بچ گئیں۔

غیر ملکی خبر ایجنسی کے مطابق حملے کے وقت کرسٹینا اپنی رہائشگاہ کے باہر سپورٹرز کے ہجوم میں گھری تھیں کہ اچانک مسلح شخص نے بالکل سامنے سے آکران پر گولی چلانے کی کوشش کی ۔

پولیس نے 35 سالہ برازیلین نژاد حملہ آور کو پستول سمیت گرفتار کر لیا ہے۔

El video del arma contra @CFKArgentina pic.twitter.com/8j1xpMnPoe

— Lautaro Maislin (@LautaroMaislin) September 2, 2022

غیرملکی خبررساں ایجنسی کے مطابق حملہ ارجنٹائن اورارد گرد کے علاقے میں بڑھتے ہوئے سیاسی تناؤ کی نشاندہی کرتا ہے۔

واقعے کے بعد ارجنٹائن کے صدرالبرٹوفرنانڈیز نے ٹیلیویژن خطاب میں کہا، “ ایک شخص نے نائب صدر کے سر کا نشانہ لے کرٹرگر کھینچ لیا۔ کرسٹینا ابھی تک حیات ہیں کیونکہ، کسی وجہ سے ابھی تک تصدیق نہیں ہوسکی، لیکن بندوق سے گولی نہیں چلی“۔

صدر کے مطابق حملہ آور کی گن پانچ گولیوں سے بھری ہوئی تھی۔انہوں نے کہا کہ ارجنٹائن میں جمہوریت کی واپسی کے بعد سے یہ سب سے سنگین واقعہ ہے جس سے ہم گزرے ہیں۔

فرنانڈیز ڈی کرچنرپربدعنوانی کے الزامات کے تحت مقدمہ چل رہا ہے اورحملے کے وقت سیکڑوں حامی بیونس آئرس میں ان کے گھر کے باہر جمع تھے۔ ویڈیو میں ایک شخص کو نائب صدر کے بالکل قریب آکرگن چلانے کی کوشش کرتے دیکھا جاسکتا ہے۔

کرسٹینا فرنانڈیز 2007 اور 2015 میں ارجنٹائن کی دو بار صدر رہ چکی ہیں۔