بھارتی عدالت نے200کروڑ روپے کی منی لانڈرنگ کے الزام میں بالی ووڈ سپراسٹار جیکولین فرنینڈس کو طلب کرلیا ہے ۔

بالی ووڈ اسٹار جیکولین فرنینڈس کو 26 ستمبر کو دہلی کی عدالت میں طلب کیا گیا ہے، جنوری سے جاری تحقیقات میں 36 سالہ بھارتی اداکارہ سے متعدد بار تفتیش کی جاچکی ہے۔

دہلی کی پٹیالہ عدالت نے انفورسمنٹ ڈائریکٹوریٹ کی طرف سے اداکارہ کے خلاف تیار کی گئی چارج شیٹ کی بنیاد پر انہیں طلب کیا۔

جیکولین پر الزام ہے کہ وہ جانتی تھیں کہ ان کا بوائے فرینڈ کیا کرتا ہے اور انہیں مہنگے تحفے دینے کے لئے رقم کہاں سے حاصل کی گئی۔

انفورسمنٹ ڈائریکٹوریٹ اداکارہ کے سات کروڑ روپے مالیت کے اثاثے ضبط کرچکی ہے۔