وفاقی وزیر برائے موسمیاتی تبدیلی شیری رحمان کا کہنا ہے کہ اس وقت پاکستان کی تاریخ کا سب سے بڑا سیلاب آیا ہوا ہے، سیلابی صورتحال انتہائی سنگین ہے۔

قومی اسمبلی کی قائمہ کمیٹی برائے موسمیاتی تبدیلی کے اجلاس میں شیری رحمان نے کہا کہ بارشوں میں کمی نظر نہیں آرہی ہے، کئی علاقوں میں1100ملی میٹرتک بارشیں ہوئی ہیں، سندھ کے 30 اضلاع ڈوب چکے ہیں، بلوچستان سے آج مواصلاتی رابطہ بھی ختم ہوگیا ہے۔

اجلاس کے دوران انہوں نے مزید کہا کہ کئی لوگ اس وقت بھی پھنسے ہوئے ہیں، نالوں،دریاؤں اور بندوں پرگھر بن چکے ہیں۔

ان کا کہنا تھا کہ ہم پریشان ہیں کہ پانی نکالیں تو کہاں نکالیں، ان حالات میں غریب لوگ کہاں جائیں گے۔