وزیر داخلہ رانا ثناء اللہ نے خبردار کیا ہے کہ فیصلہ ہوگیا تو عمران خان کو گرفتار کیا جائے گا، ان کی ضمانت منسوخ ہوئی تو گرفتاری مجبوری ہوگی۔

وفاقی وزیر داخلہ نے کہا کہ شہبازگل نے مان لیا ہے انہوں نے پرچے سے پڑھ کر بیان دیا تھا۔

شہباز گِل کے کمرے سے برآمد ہونے والے سیٹلائٹ فون کے حوالے سے ان کا کہنا تھا کہ برآمد ہونے والے سیٹلائٹ فون سے معلوم ہوجائے گا کہ کن کن لوگوں سے بات کی۔

رانا ثناء اللہ نے کہا کہ ہوسکتا ہے سیٹلائٹ فون سے چھ ماہ قبل بھارت سے رابطے کئے گئے ہوں۔

ان کا مزید کہنا تھا کہ تشدد اور جنسی حملے کا بیانیہ ان کا فراڈ ہے۔