عید الاضحیٰ پرریلیزکی جانے والی نئی فیچرفلموں ‘قائداعظم زندہ باد’ اور’ لندن نہیں جاؤں گا’ نے باکس آفس پر بھرپور کامیابی سمیٹی لیکن انہیں بنانے والوں کی جیبوں پرچین کی مقبول کمپنی ‘دراز’ نے کٹ لگا دیا ہے۔

پائریسی کا عمل دنیا بھر تفریحی صنعت کو شدید متاثرکرتا ہے، اسی کا سہارا لیتے ہوئے چین کی آن لائن مارکیٹ ویب سائٹ اورلاجسٹک کمپنی ‘دراز’ اپنی ویب سائٹ پران فلموں کے پائریٹڈ ورژن صرف 20 اور 50 روپے میں پیش کررہی ہے۔

فلم “قائداعظم زندہ باد’کے ڈائریکٹرنبیل قریشی نے 20 روپے میں اپنی فلم دکھانے کے خلاف ٹوئٹرپرآواز اٹھاتے ہوئے اس اقدام کو ‘مجرمانہ’ قراردیا۔

درازکوٹیگ کرتے ہوئے نبیل قریشی نے لکھا کہ “ دراز ہماری فلم ‘قائد اعظم زندہ باد’ کا پائریٹڈ ورژن آفیشل طور پراپنی ویب سائٹ پرفروخت کررہی ہے، جب کہ یہ فلم پاکستان بھرکے سینما گھروں میں زیرنمائش ہے، اس سے سینما اورفلم انڈسٹری کو نقصان پہنچ رہا ہے“۔

This is criminal ! @darazpk is selling our film #quaideazamzindabad pirated version Officially on their website, while the film is playing in cinemas across pakistan, this is damaging the cinema and film industry, its alarming @FilmwalaP going to take strict action against it. pic.twitter.com/8RMMYLCtH1

— Nabeel Qureshi (@nabeelqureshi) August 18, 2022

فلمساز نے اپنی ٹویٹ میں چینی کمپنی کے خلاف سخت کارروائی کرنے کا اعلان کیا۔

ڈائریکٹرفضا علی مرزا نے بھی اس اقدام کو شرمناک قراردیتے ہوئے کہا قانونی کارروائی سے ہم مستقبل میں بچاؤ کے لیے ایک مثال قائم کریں گے۔

How can @darazpk offer to show a film that is still being screened in cinemas? Are they stupid or do they believe that others are stupid? Not only are they hitting the film industry badly but also denting the cinema industry with their childish act. Grow up! #quaideazamzindabad pic.twitter.com/h6TSOAmVwy

— Omair Alavi عمیر علوی (@omair78) August 18, 2022

فلمی نقاد عمیرعلوی نے بھی سوال اٹھایا کہ “سینما گھروں میں زیرنمائش فلم کو دکھانے کی پیشکش کیسے کی جارہی ہے، کیا یہ بیوقوف ہیں یا دوسروں کو بیوقوف سمجھتے ہیں؟ ایسی بچگانہ حرکات سے فلم انڈسٹری کو بری طرح متاثرکرنے کے علاوہ سینما انڈسٹری کو بھی نقصان پہنچایا جارہا ہے، بڑے ہوجائیں”۔

How can @darazpk offer to show a film that is still being screened in cinemas? Are they stupid or do they believe that others are stupid? Not only are they hitting the film industry badly but also denting the cinema industry with their childish act. Grow up! #quaideazamzindabad pic.twitter.com/h6TSOAmVwy

— Omair Alavi عمیر علوی (@omair78) August 18, 2022

واضح رہے کہ دراز چین کی آن لائن مارکیٹ ویب سائٹ اور لاجسٹک کمپنی ہے جو جنوبی ایشا کے ممالک میں کام کرتی ہے، اس کی بنیاد ایک جرمن وینچرکیپیٹل کمپنی نے 2012 میں رکھی تھی۔

دراز گروپ پاکستان ، بنگلہ دیش، نیپال ، سری لنکا اور میانمار میں ای کامرس پلیٹ فارم اور رسد کی خدمات چلاتا ہے، مئی 2018 میں اس گروپ کو چین کی مقبول ترین ای کامرس کمپنی “علی بابا گروپ” نے خرید لیا تھا۔