پاک فوج کے ترجمان میجر جنرل بابر افتخار نے پاکستان کے 75ویں یوم آزادی پر قوم کو مبارکباد دیتے ہوئے کہا کہ عظیم پاکستانی قوم کو آزادی کی ڈائمنڈ جوبلی مبارک ہو۔

ڈی جی آئی ایس پی آر میجر جنرل بابر افتخار کے سماجی رابطے کی ویب سائٹ ٹوئٹر پر جاری پیغام میں مسلح افواج کی جانب سے قوم کو پاکستان کے 75یوم آزادی کی مبارکباد پیش کی گئی ہے۔

Happy Independence Day / Diamond Jubilee Celebrations to great Pakistani Nation from Armed Forces of Pakistan.
عزم عالی شان - شاد رہے پاکستان
Pakistan Zindabad!

— DG ISPR (@OfficialDGISPR) August 14, 2022

میجر جنرل بابر افتخار نے اپنے پیغام میں کہا کہ مسلح افواج یوم آزادی کی ڈائمنڈ جوبلی کے موقع پر مبارکباد پیش کرتی ہیں۔

مزید پڑھیں: ملک بھر میں 75واں جشن آزادی ملی جوش و جذبے سے منایا جارہا ہے

اپنے پیغام میں ڈی جی آئی ایس پی آرنے عزم عالی شان ۔ شاد رہے پاکستان کے عزم کا اعادہ کرتے ہوئے پاکستان زندہ باد کا نعرہ لگایا۔

دوسری جانب آزادی کی 75ویں سالگرہ کے موقع پر جی ایچ کیو راولپنڈی اور پاکستان آرمی کی مختلف فارمیشنز میں قومی پرچم لہرایا گیا اور ملک و قوم کے لیے خصوصی دعائیں کی گئیں۔

ملک بھر میں آج 75 واں جشن آزادی ملی جوش و جذبے کے ساتھ منایا جا رہا ہے۔ دن کے آغاز پر توپوں کی سلامی دی گئی۔

وفاقی دارالحکومت میں 31اور صوبائی دارالحکومتوں میں 21،21توپوں کی سلامی دی گئی، اس موقع پر فضا نعرہ تکبیر سے گونج اٹھی۔

نماز فجر میں ملکی ترقی، یکجہتی، امن اور خوشحالی کے لیے خصوصی دعائیں کی گئیں۔