عوامی مسلم لیگ کے سربراہ شیخ رشید نے کہا ہے کہ حکمران اقتدار کا کمبل چھوڑ رہے ہیں مگر کمبل انہیں نہیں چھوڑ رہا۔

سماجی رابطے کی ویب سائٹ ٹویٹر پر جاری ایک بیان میں سابق وزیر داخلہ شیخ رشید کا کہنا تھا کہ عوام کو مائنس کرنے والے خود مائنس ہونے والے ہیں، یوم آزادی کو یوم بربادی نہ بنایا جائے،45 دن بہت اہم ہیں۔

عوام کو مائنس کرنے والے خود مائنس ہونے والے ہیں۔ یوم آزادی کو یوم بربادی نہ بنایا جائے۔45 دن بہت اہم ہیں۔غربت کے ہاتھوں لوگ خودکشیاں کر رہے ہیں ۔KPKکے بعد بھتہ خوروں کی کالیں اسلام آباد،راولپنڈی پہنچ گئی ہیں۔ 12 اگست 3 بجے لال حویلی میں پریس کانفرنس اور13 اگست کی رات جلسہ کروں گا

— Sheikh Rashid Ahmed (@ShkhRasheed) August 11, 2022

شیخ رشید نے کہا کہ غربت کے ہاتھوں لوگ خود کشیاں کر رہے ہیں، خیبرپختونخوا کے بعد بھتہ خوروں کی کالیں اسلام آباد، راولپنڈی پہنچ گئی ہیں، 12 اگست 3 بجے لال حویلی میں پریس کانفرنس اور13 اگست کی رات جلسہ کروں گا۔

عوامی مسلم لیگ کے سربراہ نے اپنے ایک اور ٹویٹ میں کہا کہ وزراء زیادہ اور وزارتیں کم پڑ گئی ہیں، 5 درجن سے زیادہ وزراء صرف پریس کانفرنس کر رہے ہیں۔

وزراء زیادہ اور وزارتیں کم پڑ گئی ہیں۔ 5 درجن سے زیادہ وزراء صرف پریس کانفرنس کر رہے ہیں۔عوام کی عدالت ہر صبح سوشل میڈیا پر لگتی ہے۔ 140 ملین باشعور نوجوانوں کی جیب میں فون ہے۔ حکمران اقتدار کا کمبل چھوڑ رہے ہیں،اب کمبل انہیں نہیں چھوڑ رہا۔حکمران زمینی حقائق سمجھنے سے عاری ہیں۔

— Sheikh Rashid Ahmed (@ShkhRasheed) August 11, 2022

شیخ رشید نے مزید کہا کہ عوام کی عدالت ہر صبح سوشل میڈیا پر لگتی ہے، 140 ملین باشعور نوجوانوں کی جیب میں فون ہے، حکمران اقتدار کا کمبل چھوڑ رہے ہیں، اب کمبل انہیں نہیں چھوڑ رہا،حکمران زمینی حقائق سمجھنے سے عاری ہیں۔