چیئرمین پاکستان تحریک انصاف اور سابق وزیراعظم عمران خان نے سوشل میڈیا پر شیئرکی جانے والی ایک تصویرمیں قائد اعظم محمد علی جناح اور علامہ اقبال کے ساتھ اپنے رشتہ داروں کی موجودگی کا انکشاف کیا ہے۔

عمران خان کے مطابق 1930 میں لندن میں منعقدہ گول میز کانفرنس کے دوران کھینچی جانے والی اس تصویر میں ان کے 2 قریبی عزیز بھی شریک تھے۔

انہوں نے کیپشن میں تصویر کو اپنے خاندان کے لیے باعث فخر قراردیتے ہوئے کہا کہ “اس میں میرے دادا کےبھائی محمد زمان خان (جن کے نام پر زمان پارک قائم کیا گیا) اور میرے خالو جہانگیر خان بھی موجود ہیں “۔

لندن 1930 کی تاریخی گول میز کانفرنس جس میں قائداعظم اور اقبال دونوں موجود تھے۔
یہ تصویر میرے خاندان کیلیے فخر کاباعث ہے کیونکہ اس میں میرے دادا کےبھائی محمدزمان خان(جن کے نام پر زمان پارک قائم کیاگیا) اور میرے خالو جہانگیر خان بھی موجود ہیں (بائیں جانب سے دوسرے اور تیسرے نمبر پر) pic.twitter.com/MCVSGcyqXx

— Imran Khan (@ImranKhanPTI) August 7, 2022

ناواقفیت رکھنے والے جان لیں کہ جہانگیر خان سابق وزیراعظم کی خالہ مبارک خانم کے شوہراور برطانوی راج کے دوران ہندوستان کی جانب سے کھیلنے والے معروف کرکٹر تھے۔

بیشتر سوشل میڈیا صارفین نے تصویر دیکھتے ہی تبصرہ کیا کہ عمران خان کا یہ دعویٰ غلط ہے کیونکہ گول میز کانفرنس میں شریک مندوبین کی برطانوی اوپن یونیورسٹی کی مرتب کردہ فہرست میں ایسے کسی نام کا ذکر نہیں ہے۔

ٹوئٹرصارفین نے مستندحوالوں کے ساتھ اپنے تبصروں میں واضح کیا کہ عمران خان کے رشتے داروں کی گول میز کانفرنس میں موجودگی ثابت نہیں ہوتی۔

ایک صارف نے انہیں یاد دلایا کہ یہی تصویر خان صاحب 2018 میں بھی یوم آزادی کے موقع پرشیئرکرچکے ہیں لیکن اس وقت محمد زمان خان ان کے داداکے بھائی کے بجائے “والدہ کے چاچا” تھے۔

نانا یا دادا؟ آپ خود اتنے کنفیوز ہیں 2018 تک اس تصویر میں آپ کے نانا تھے تھے اور آج آپ کے دادا ہوگئے۔ pic.twitter.com/gn1yAkcnX2

— Fawad Rehman (@fawadrehman) August 7, 2022

معروف صحافی ابصارعالم نے گول میز کانفرنس میں شریک افراد کے ناموں کی پوری فہرست شیئرکرتے ہوئے کہا کہ عمران خان کے تو نہیں البتہ بلاول بھٹو کے دادا سرشاہنوازبھٹو اس کانفرنس میں موجود تھے۔

2/2 pic.twitter.com/R1D4Xr8HDF

— Absar Alam (@AbsarAlamHaider) August 8, 2022

تاہم ایک صارف نے جواب میں لکھا کہ علامہ اقبال 1930 میں ہونےوالی گول میز کانفرنس کا حصہ نہیں تھے، یہ تصویر 1932 کی کانفرنس کے دوران ایک عشائیے کی ہے۔

https://t.co/MA94sZflVx

— 𝑆𝑎𝑞𝑖𝑏 𝐵𝑖𝑙𝑤𝑎𝑛𝑖 (@saqibbilwani) August 9, 2022

صارفین کی جانب سے ایسے نادر اندازے بھی لگائے گئے۔

شاید کپتان کے ان بزرگوں کو 1930 کی گول میز کانفرنس میں ساتھ والے چھوٹے کمرے میں بٹھایا گیا ہو گا کیونکہ کانفرنس والی راؤنڈ ٹیبل کچھ مختلف تھی pic.twitter.com/uqcT3cc8Af

— رائے آفتاب جالب (@Raijalib) August 8, 2022

کئی صارفین نے اس تصویر کو ہی جعلی قرار دے دیا۔

اس میں بھی جھوٹ ، یہ کسی اور اجلاس کی تصویر ہے، 1930 کی لندن گول میز کانفرنس کی اصل تصویر یہ ھے. pic.twitter.com/bVWt1J9VpN

— ISHAQ AHMED (@ISHAQJANJUA) August 7, 2022