وطن عزیز کی 75ویں سالگرہ قریب آتے ہی صدرمملکت عارف علوی نے ٹوئٹرپرایک یادگارتصویرشیئرکی لیکن کسی بھی معاملے میں نہ چوکنے والے سوشل میڈیاصارفین نے یہاں بھی ‘غلطی’ ڈھونڈ نکالی۔

صدر عارف علوی نے ٹوئٹر پربانی پاکستان قائد اعظم محمد علی جناح اور شاعر مشرق علامہ اقبال کی ایک نایاب تصویرشیئرکرتے ہوئے اسے پاکستان کے 75ویں یوم آزادی کا تحفہ قراردیا۔

انہوں نے کیپشن میں لکھا، “ 75 ویں سالگرہ کا تحفہ، ایک دلفریب منظر، پاکستان کی تاریخ کی دو اہم ترین شخصیات علامہ اقبال اور قائداعظم کی ایک ساتھ واحد تصویر۔ایک نے خواب دیکھا اور دوسرے نے بنا دیا“۔

75 ویں سالگرہ کا تحفہ، ایک دلفریب منظر👇
پاکستان کی تاریخ کی دو اہم ترین شخصیات علامہ اقبال اور قائداعظم کی ایک ساتھ واحد تصویر۔
ایک نے خواب دیکھا اور دوسرے نے بنا دیا۔
ہمارے پاس صلاحیت موجود ہے، ہم نے قربانیاں دی ہیں، صرف مہنت کا راستہ اپنانا ہے کیونکہ روشن مستقبل ہمارا منتظر ہے pic.twitter.com/kmVGdrFZy1

— Dr. Arif Alvi (@ArifAlvi) August 7, 2022

صدر مملکت نے نوجوانوں کا عزم جگانے کی خاطر مزید لکھا ، “ ہمارے پاس صلاحیت موجود ہے، ہم نے قربانیاں دی ہیں، صرف مہنت ( محنت ) کا راستہ اپنانا ہے کیونکہ روشن مستقبل ہمارا منتظر ہے۔“

اس کیپشن میں تو ایسی کوئی قابل اعتراض بات نہیں لیکن صارفین نے فوراً ‘نقطہ اعتراض’ اجاگرکرتے ہوئے صدرصاحب کے بتایا کہ ان کی اس ٹویٹ میں املا کی غلطی ہے۔

ہمیں سب سے پہلے لفظ "محنت" پر سخت محنت کرنا ہوگی کیونکہ اگر علامہ اقبال نے مہنت دیکھ لیا تو ان کی ساری محنت تباہ ہوجاۓ گی جو انہوں نے اُردو زبان کیلۓ کی تھی۔

— 𝓢𝓱𝓮𝓱𝔃𝓪𝓭 𝓩𝓪𝓻𝓲𝓷™ (@shehzadzarin) August 7, 2022

۔
۔
۔
سر۔۔ محنت میں "ح" آتا ہے
۔
۔
۔
🧐🧐⚘🧐🧐
۔
۔
۔
۔
۔ pic.twitter.com/OFccpD3SBP

— Rashid M Siddiqui (@rashidmsiddiqui) August 8, 2022

آہ خدا خیر اردو قومی زبان اردو بولنے والے صدرمملکت کے آفیشل اکاؤنٹ سے اگر محنت کو مہنت لکھا جاوے تو دل بھر بھر کیوں ناں آوے

— عبدل علی محمد عمران (@AbdulAL23790260) August 7, 2022

محنت لکھنا تو سیکھ لیں صدرِ پاکستان کیوں اردو زبان کی ایسی کی تیسی کر رہے ہیں لکھنے والا واقعی آپ کی طرح سلیکٹ کیا ہوا بندہ ہوگا جس کو محنت لفظ لکھنا نہیں آیا

— Asif Ali Yousfani (@AsifYousfani110) August 7, 2022

دلچسپ امر یہ ہے کہ صدرعارف علوی کی جانب سے اس ایڈٹ شدہ تصویر کا اوریجنل ورژن چیئرمین پی ٹی آئی عمران خان بھی اپنےسوشل میڈیا اکاؤنٹس پرشیئرکرچکے ہیں۔

لندن 1930 کی تاریخی گول میز کانفرنس جس میں قائداعظم اور اقبال دونوں موجود تھے۔
یہ تصویر میرے خاندان کیلیے فخر کاباعث ہے کیونکہ اس میں میرے دادا کےبھائی محمدزمان خان(جن کے نام پر زمان پارک قائم کیاگیا) اور میرے خالو جہانگیر خان بھی موجود ہیں (بائیں جانب سے دوسرے اور تیسرے نمبر پر) pic.twitter.com/MCVSGcyqXx

— Imran Khan (@ImranKhanPTI) August 7, 2022

تصویر کو اپنے اوراپنے خاندان کے لیے باعث فخرقراردیتے ہوئے سابق وزیراعظم نے بتایاکہ یہ 1930 میں لندن میں ہونے والی گول میزکانفرنس کے موقع پرکھینچی گئی تھی جس میں قائداعظم اورعلامہ اقبال کے علاوہ میرےدادا کےبھائی محمدزمان خان (جن کے نام پر زمان پارک قائم کیاگیا) اور میرے خالو جہانگیرخان بھی موجود ہیں ۔