اسلام آباد: پاکستان تحریک انصاف (پی ٹی آئی) نے 13 اگست کو ہونے والے جلسے کی جگہ تبدیلی کرلی۔

ذرائع کے مطابق سابق وزیر اعظم اور چیئرمین پی ٹی آئی عمران خان کی زیرصدارت پارٹی کی سیاسی کمیٹی کے اجلاس میں فیصلہ کیا گیا کہ 13 اگست کو جلسہ اسلام آباد کے بجائے لاہور کے ہاکی گراؤنڈ میں ہوگا۔

واضح رہے کہ تحریکِ انصاف نے 13 اور 14 اگست کی درمیانی شب اسلام آباد میں بڑے جلسے کے انعقاد کا فیصلہ کیا تھا۔

اسے قبل عمران خان کی زیرِ صدارت ہونے والے پی ٹی آئی کی سیاسی کمیٹی کے اجلاس میں طے تھا پایا تھا کہ 13 اگست کی شام کو کارکنان پریڈ گراؤنڈ میں جمع ہوں گے، جب کہ 14 اگست کے آغاز پر رات کو جلسہ گاہ میں جشنِ آزادی منایا جائے گا۔