الیکشن کمیشن پاکستان تحریک انصاف (پی ٹی آئی) کے خلاف ایکشن میں آگیا، عمران نااہلی کیس کی سماعت 18 اگست کو مقرر کردی ہے۔

آج نیوز کے مطابق الیکشن کمیشن (ای سی پی) نے توشہ خانہ کیس پر پاکستان ڈیمورکریٹک موومنٹ (پی ڈی ایم) کی عمران خان کی نااہلی کیلئے درخواست پر سماعت 18 اگست کو مقرر کردی۔

ای سی پی کی جانب سے پی ٹی آئی کے ممنوعہ فنڈ ضبط کرنے کے لئے عمران خان کو پہلا شوکاز نوٹس جاری کیا گیا، جس کی سماعت 23 اگست کو مقرر کی گئی ہے۔

دوسرا نوٹس پی ڈی ایم کی درخواست پر عمران خان کے خلاف نااہلی کے ریفرنس پر دیا گیا، جس کی سماعت 18 اگست کو ہوگی۔

تیسرا نوٹس ن لیگی رکنِ قومی اسمبلی محسن شاہنواز رانجھا کی درخواست پر دیا گیا ہے، نااہلی کے ریفرنس کی سماعت 24 اگست کو ہوگی۔