پاکستانی ایتھلیٹ ارشد ندیم اب برمینگھم کامن ویتلھ گیمز 2022 میں جیولن تھرو ایونٹ کے کولیفائنگ راؤنڈ میں حصہ نہیں لیں گے۔

نیزہ باز ارشد ندیم جیولن تھرو ایونٹ کے کولیفائنگ راونڈ میں حصہ لیئے بغیر فائنل میں سونے کا تمغہ جیتنے کے لئے میدان میں اتریں گے۔

میڈیا رپورٹ کے مطابق پاکستان اولمپکس ایسوسی ایشن کے رکنِ کمیٹی ڈاکٹر اسد عباس نے بتایا کہ ایونٹ میں ایتھلیٹس کی کمی ہونے کی وجہ سے ارشد ندیم کولیفائنگ راؤنڈ نہیں کھیلیں گے۔

25 سالہ نیزہ باز گزشتہ دنوں امریکا سے ورلڈ ایتھلیٹکس چیمپیئن چپ میں 86.16 میٹر طویل تھرو کی مدد سے پانچویں پوزیشن حاصل کرنے بعد کامن ویلتھ گیمز میں حصہ لینے کے لئے انگلینڈ پہنچے ہیں۔

واضح رہے کہ ارشد ندیم کو ورلڈ ایتھلیٹکس چیمپیئن چپ کے فائنل تک رسائی حاصل کرنے والے پہلے پاکستانی ہونے کا اعزاز حاصل ہے۔