پاک فوج کے شعبہ تعلقات عامہ (آئی ایس پی آر) نے بلوچستان میں لاپتہ ہونے والے ہیلی کاپٹر کا ملبہ ملنے اور سوار افسران کی شہادت کی تصدیق کردی۔

آئی ایس پی آر کی جانب سے جاری بیان میں کہا گیا کہ سیلاب سے متاثرہ بلوچستان کے شہر لسبیلہ کے علاقے موسیٰ گوٹھ وندر میں امدادی سرگرمیوں میں مصروف ہیلی کاپٹر کا ملبہ مل گیا ہے۔

The wreckage of unfortunate hel which was on flood relief ops found in Musa Goth, Windar, Lasbela. All 6 offrs & sldrs incl Lt Gen Sarfraz Ali embraced shahadat. اِنّا لِلَّٰهِ وَإِنَّا إِلَيْهِ رَاجِعُونَ
Accident occurred due to bad weather as per initial investigations . DTF pic.twitter.com/dnyano2vqC

— DG ISPR (@OfficialDGISPR) August 2, 2022

آئی ایس پی آر نے تصدیق کی ہے کہ ہیلی کاپٹر میں سوار لیفٹیننٹ جنرل سرفراز علی سمیت تمام 6 افسران اور اعلیٰ افسران نے شہادت قبول کی ہے۔

ذرائع نے بتایا کہ ہیلی کاپٹر حادثے میں شہید ہونے والے پاک فوج کے افسران کی نمازِ جنازہ کراچی اور راولپنڈی میں کل ادا کی جائے گی۔

آئی ایس پی آر کے مطابق ہیلی کاپٹر میں لیفٹیننٹ جنرل سرفراز علی، بریگیڈئیر (متوقع میجر جنرل) امجد حنیف، بریگیڈئیر محمد خالد، میجر سعید احمد، میجر محمد طلحہٰ منان اور نائک مدثر فیاض سوار تھے۔

ذرائع نے بتایا کہ ہیلی کاپٹر حادثے میں شہید ہونے والے پاک فوج کے افسران کی نمازِ جنازہ کراچی اور راولپنڈی میں کل ادا کی جائے گی۔

یہ بھی پڑھیں: لاپتہ ہیلی کاپٹر میں سوار لیفٹیننٹ جنرل سرفراز علی کون تھے؟

آئی ایس پی آر کا کہنا ہے کہ ابتدائی تحقیقات کے مطابق حادثہ خراب موسم کے باعث پیش آیا۔

آئی ایس پی آر کے مطابق ہیلی کاپٹر لسبیلہ میں امدادی کاموں کے مشن پر تھا، کور کمانڈر سیلاب متاثرین کے ریلیف آپریشن کی نگرانی کررہے تھے۔