پاکستان تحریک انصاف (پی ٹی آئی) کے رہنما اسد عمر کا کہنا ہے کہ معیشت کی بگڑتی صورتِ حال تشویش ناک ہے، حالات پہلے ہی خراب تھے، اب مزید بگڑتے جارہے ہیں۔

اسد عمر نے کہا کہ دو ہفتے میں زرمبادلہ کے ذخائر میں 1.2 ارب ڈالر کمی ہوئی۔

انہوں نے بتایا کہ گزشتہ چار ہفتوں میں چین سے لیے گئے 2.3 میں سے تقریباً 2 بلین ڈالر خرچ ہو چکے ہیں۔

In last 2 weeks $1.2 billion drop in foreign exchange reserves. In last 4 weeks nearly $2 billion of the 2.3 borrowed from China has been consumed. Rupee collapsing and the Govt's only response :they will hang on to power regardless of the disaster it is creating for Pakistan

— Asad Umar (@Asad_Umar) July 29, 2022

اسد عمر کہتے ہیں کہ روپے کی قدر میں تیزی سے کمی آرہی ہے، جس کی تاریخ میں مثال نہیں ملتی۔ ملک میں مہنگائی کا طوفان آچکا ہے۔

پی ٹی آئی رہنما نے مزید کہا کہ بلوم برگ کی رپورٹ کے مطابق کوئی آپ کو تیل بیچنے کو تیار نہیں، خدا کا واسطہ ہے پاکستان پر ظلم کرنا بند کریں۔

انہوں نے مزید کہا کہ وقت آگیا ہے مصنوعی نظام کو بغیر وقت ضائع کئے ختم کیا جائے۔