وزیر اطلاعات سندھ شرجیل انعام میمن کا کہنا ہے کہ حلیم عادل شیخ پر کوئی سیاسی مقدمہ نہیں ہے ، انہیں زمین پر قبضے کے الزام میں گرفتار کیا گیا ہے۔

لیز پر دی جانے والی زمینوں پر فارم ہاوس بنانا قانون کی خلاف ورزی ہے،ہم انہیں آفر دیتے ہیں سرکاری زمینیں واپس کر د یں، لوگوں کے پیسے دے دیں، @sharjeelinam pic.twitter.com/nIJ2jwSU96

— Aaj News (@Aaj_Urdu) July 28, 2022

صوبائی وزیر اطلاعات نے میڈیا سے گفتگو میں کہا کہ سندھ حکومت پر کئی لوگوں نے تنقید کی، ہم نے کسی پر کوئی مقدمہ نہیں بنوایا، کسی کو گرفتار نہیں کروایا۔

شرجیل انعام میمن نے کہا کہ قبضے جائز ہیں توعدالت حلیم عادل کو چھوڑ دے گی، زمینیں اور پیسہ واپس کردیں، مقدمہ واپس لے لیں گے۔

ان کا مزید کہنا تھا کہ گالم گلوچ پی ٹی آئی والے کرتے ہیں، حلیم عادل پر الزام غلط ہے توعمران خان انکوائری کروا لیں۔

انہوں نے کہا کہ جیل میں حلیم عادل دوستوں کے ساتھ بیٹھے ہیں۔

شرجیل میمن نے کہا کہ آصف زرداری پاکستان آئیں گے توعمران خان کا زوال شروع ہوگا، عمران خان کو چاہئیے کہ سندھ آنے سے پہلے بلدیاتی امیدوار پورے کرلیں، کئی نشستوں پرعمران خان کو امیدوار ہی نہیں ملے۔