وزیراعلیٰ پنجاب چودھری پرویزالٰہی نے ڈیرہ غازی خان میں گجوجی پل کے نزدیک قتل کے واقعہ کا نوٹس لے لیا۔

گزشتہ روز نامعلوم افراد نے فائرنگ کرکے تین افراد کو قتل کردیا تھا، جس کے نتیجے میں ایک شدید زخمی، جبکہ ملزمان فرار ہوگئے تھے۔

وزیراعلیٰ نے انسپکٹر جنرل پولیس سے رپورٹ طلب کرتے ہوئے کہا کہ ملزمان کی جلد گرفتاری یقینی بنائی جائے۔

پولیس حکام کے مطابق فائرنگ کا واقعہ ڈیرہ غازی خان کے نواحی علاقے پل گجوجی کے مقام پر پیش آیا۔

فائرنگ کی زد میں آکر ایک شخص زخمی بھی ہوا،پولیس حکام کے مطابق ابتدائی معلومات سے ظاہر ہوتا ہے کہ واقعہ سابقہ رنجش کا ہے۔

لاشوں اور زخمی کو اہسپتال منتقل کر دیا، جہاں ڈاکٹروں کے مطابق زخمی حالت میں لائے گئے شخص کی حالت انتہائی تشویشناک ہے۔