مقبول بھارتی ڈرامہ سیریل ‘کہانی گھرگھر کی’ 14 سال بعد ایک بار پھر ٹی وی اسکرین پرنشرکیا جائے گا۔

پاکستان و بھارت میں یکساں مقبول اس ٹی وی سیریل کی آخری قسط 9 اکتوبر2008 کو دکھائی گئی تھی۔

ڈرامے کی پروڈیوسر ایکتا کپور نے اپنے انسٹاگرام اکاؤنٹ پرشو کے پرومو کی ویڈیو شیئر کی۔

انہوں نے کیپشن میں لکھا “اس وقت میں نوجوان پُرجوش 25 سالہ ٹی وی پروڈیوسر تھی، جو ڈرامہ اندسٹری میں اپنی شناخت بنانے کی کوشش کر رہی تھی”۔

ایکتا کپور نے مزید لکھا کہ میں نے واقعی کچھ اچھا اور بڑا بنانے کا تہیہ کیا تھا، جو معاشرے میں اپنی شناخت باقی رکھے۔

انہوں نے بتایا کہ کافی کوششوں کے بعد اداکارہ ساکشی ‘پاروتی’ کا کردار نبھانے کے لیے قائل ہوئی تھیں اور وہ تُلسی کے ساتھ ہندوستان کی پسندیدہ بہو بن گئیں۔

ایکتا کپور نے کہا کہ ڈارمہ سیریل 2 اگست بروز منگل سے اسٹار پلس پر دوپہر3:30 بجے دکھایا جائے گا۔