حکومتِ بلوچستان نے زیارت آپریشن میں ہلاک افراد سے متعلق جوڈیشل کمیشن بنانے کا فیصلہ کرلیا، محکمہ داخلہ کی جانب سے رجسٹرار بلوچستان ہائیکورٹ کو مراسلہ جاری کر دیا گیا۔

محکمہ داخلہ کی جانب سے جاری مراسلے میں کہا گیا کہ حکومت بلوچستان زیارت آپریشن سے متعلق جوڈیشل انکوائری کروانا چاہتی ہے۔

خط میں کہا گیا کہ جوڈیشل انکوائری زیارت آپریشن میں مارے جانے والے افراد کے زیرِ حراست ہونے یا نہ ہونے سے متعلق ہے، جوڈیشل انکوائری کیلئے عدالت عالیہ کے ایک معزز جج کا نام تجویز کیا جائے۔

زیارت میں کرنل لیئق اور ان کے کزن عمر رحمان کے اغواء اور قتل کے بعد سیکیورٹی فورسز نے ملحقہ علاقوں میں کالعدم تنظیم کے خلاف آپریشن کیا، اس دوران سیکیورٹی فورسز مبینہ طور پر 9 دہشت گردوں کے مارے جانے کا دعویٰ کیا تھا۔