انگلش ٹیسٹ ٹیم کے کپتان بین اسٹوکس نے اچانک ایک روزہ انٹرنیشنل کرکٹ سے ریٹائرمنٹ کا اعلان کردیا ہے۔

منگل کو انگلینڈ اور جنوبی افریقا کے درمیان ڈرہم میں کھیلا جانے والا میچ اسٹوکس کے کیرئیر کا آخری ون ڈے ہوگا۔

اپنے ایک انسٹاگرام پوسٹ میں آل راؤنڈر کھلاڑی نے کہا کہ ریٹائرمنٹ کا فیصلہ مشکل تھا لیکن اب اس فارمیٹ میں اپنا 100 فیصد نہیں دے سکتا، تمام توجہ ٹیسٹ اور ٹی ٹوئنٹی فارمیٹ پر دوں گا۔

خیال رہے کہ 2011 میں ون ڈے ڈیبیو کرنے والے بین اسٹوکس نے انگلینڈ کو 2019 کا ورلڈ کپ جتوانے میں اہم کردار ادا کیا تھا۔