کوئٹہ: ملک کے دیگر حصوں کی طرح صوبہ بلوچستان کے دارالحکومت کوئٹہ میں بھی عید الاضحیٰ کی تیاریاں زور و شور سے جاری ہیں۔

گذشتہ تین دنوں سے کوئٹہ میں بارش رُکی ہوئی ہے اور سورج نے شہر کے بیشتر حصوں کو سوکھا کر لوگوں کو امید دی کہ عید کسی بھی ناخوشگوار واقع کے بغیر گزر جائے گی۔

تاہم 9 جولائی کو شہر میں بارش کا ایک بار پھر سے آغاز ہوگیا اور اگر یہ سلسلہ نہ رُکا تو شہریوں کو عید کے پہلے دن یعنی کل (اتوار) کو گھروں پر قربانی کرنے کا موقع نہیں ملے گا۔

واضح رہے کہ شہر میں زیادہ تر افراد گھروں میں جانوروں کی قربانی کرتے ہیں۔

عید کے لیے قصائیوں نے جانور ذبح کرنے کے ریٹ طے کر دیے ہیں۔

بکرے اور دنبے جیسے چھوٹے جانور کے لیے پانچ ہزار روپے ہیں، جبکہ گائیں اور بیل کے لیے 12 ہزار روپے طے کیے گئے ہیں۔