انڈیا میں کھانا ڈلیور کرنے کی کمپنی زوماٹو کا یونیفارم پہن کر ایک شخص نے نوکری کی تلاش کی کوشش میں اپنی سی وی پیسٹری کے ڈبوں میں دیگر نئی کمپنیوں تک پہنچائی۔

امن کھانڈیلوال نے ٹوئٹر پر زوماٹو کی شرٹ پہنے اپنی اور پیسٹریز کے ڈبے کی تصویر لگائی ہے۔ ڈبے میں ساتھ ایک نوٹ بھی لگایا ہے جس میں لکھا ہے کہ “زیادہ تر ریزیومیز کچرے میں چلی جاتی ہیں لیکن میری آپ کے پیٹ میں جائے گی۔”

انہوں نے ٹویٹ میں یہ بھی لکھا ہے کہ اس طریقے کا استعمال کرتے ہوئے انہوں نے انڈیا کے شہر بنگالورو (بنگلور) کی کئی نئی کمپنیوں تک نوکری کے لیے اپنی سی وی پہنچائی ہے۔

Dressed as a @zomato delivery boy I delivered my resume in a box of pastry.
Delivered it to a bunch of startups in Bengaluru.
Is this a @peakbengaluru moment.@zomato #resume pic.twitter.com/HOZM3TWYsE

— Aman Khandelwal (@AmanKhandelwall) July 2, 2022

واضح رہے کہ امن کھانڈیلوال نے پونے کے ادارے انسٹی ٹیوٹ آف مینیجمنٹ ڈیولپمنٹ ریسرچ سے ایم بی اے کیا ہے اور وہ نوکری کی تلاش میں ہیں۔ اس کے ساتھ ہی دوسری ٹویٹ میں انہوں نے اپنی لنکڈان پروفائل کا بھی لنک شیئر کیا ہے۔

ان کی اس پوسٹ پر سوشل میڈیا صارفین نے ملا جلا ردِ عمل دیا۔

ایک صارف نے امن کھانڈیلوال کے طریقے کو سراہا اور لکھا کہ جو شخص انہیں نوکری دے گا وہ خوش نصیب ہوگا۔

Aman, u hve bright furure bcoz ur out of box thought of sending resume is comendable.U ned little patience further as per my xperience the 1st person hires u wil be lucky. BEST OF LUCK

— M S Mahesh (@mahesh2676) July 4, 2022

ایک اور نے کہا کہ “آپ کو اپنی پسندیدہ نوکری جلد مل جائے گی۔۔۔آپ کا نظریہ منفرد ہے، جو اس کو سمجھے گا وہ آپ سے جلد رابطہ کرے گا۔”

Hey dude you will find ur dream job soon..you have different unique vision,someone who understands your visions will soon connect you.

— Vishal Shantaram Shirsat (@vishmean) July 4, 2022

ایک صارف نے لکھا کہ ایسا ہی طریقہ امریکہ میں ایک شخص نے اپنایا تھا۔

This is a exact template of a guy who delivered resume with donuts in US. Should have delivered biriyani :)

— Roshan (@roshanonline) July 2, 2022

امن کھانڈیلوال نے زوماٹو کا نام استعمال کرنے پر کمپنی نے ٹوئٹر پر لکھا کہ یہ آئیڈیا اچھا تھا اور اسے اچھے طریقے سے انجام دیا گیا۔ تاہم زوماٹو نے “نقالی” کرنے پر ان کی حوصلہ شکنی کی۔

Hey Aman, hope your 'gig' landed you something meaningful. The idea was great, execution - top of the line, impersonation - not so cool.

— zomato care (@zomatocare) July 4, 2022