کراچی: سابق وفاقی وزیر اور رہنما متحدہ قومی موومنٹ (ایم کیو ایم پاکستان) بابر خان غوری پاکستان پہنچ گئے ہیں۔

ذرائع کے مطابق سابق وفاقی وزیر کو امریکا سے کراچی پہنچتے ہیں سکیورٹی اداروں نے تحویل میں لے کر نا معلوم مقام پر منتقل کردیا گیا ہے۔

خیال رہے کہ گزشتہ دنوں بابر غوری نے پاکستان واپسی کا فیصلہ کرتے ہوئے سندھ ہائی کورٹ سے رجوع کیا تھا جس کے تحت عدالت نے ان کے خلاف دونوں مقدمات میں 5 جولائی تک حفاظتی ضمانت منظور کی تھی۔

عدالت نے بابر غوری کو دونوں مقدمات میں ایک ایک لاکھ روپے کے مچلکے جمع کرانے جب کہ 14 دن میں متعلقہ کورٹ سے رجوع کرنے کی ہدایت کی تھی۔