چیئرمین پاکستان کرکٹ بورڈ (پی سی بی) رمیز راجہ نے انکشاف کیا کہ جان کو خطرہ ہونے کی وجہ سے بلٹ گاڑی لینا پڑی ہے۔

قومی اسمبلی کی قائمہ کمیٹی برائے بین الصوبائی رابطہ میں رمیز راجہ نے کہا کہ میں پی سی بی سے ایک پیسہ نہیں لیتا، تنخواہ صبر ہونے کے باوجود مجھے گالیاں پڑتی ہیں۔

انہوں نے کہا کہ مجھے بورڈ کی جانب سے دیئے جانے والے میڈیکل الاؤنس کی ضرورت نہیں جب کہ تین ماہ کے دوران دوروں کے لئے صرف ڈھائی لاکھ روپے استعمال کیئے ہیں۔

چیئرمین پی سی بی کا کہنا تھا کہ پاکستان سُپر لیگ (پی ایس ایل) سے 500 کروڑ کی آمدنی ہوئی جس کے تحت ہر فرنچائز کو 61 کروڑ روپے تقسیم کیئے۔