سابق وزیر خزانہ اور رہنما پاکستان تحریک انصاف (پی ٹی آئی) سینیٹر شوکت ترین نے کہا کہ سُپر ٹیکس سے غربت اور بے روز گاری میں اضافہ ہوگا۔

آج نیوز سے گفتگو کرتے ہوئے شوکت ترین نے کہا کہ حکومت امریکیوں سے ڈر گئی ہے، ہم پروگریوسیو ٹیکس سسٹم لا رہے تھے جب کہ ایک سپلائی چین کو بھی کیپچر کیا جا رہا تھا لیکن انہوں نے سب کا سب برباد کردیا۔

سابق وزیر خزانہ نے کہا کہ اگر یہ لوگ ہمارے اس سسٹم پر عمل کرتے تو ان کے کھانچے ختم ہوجاتے اور اس وقت ہماری گروتھ 6 فیصد چل رہی تھی۔

شوکت ترین کا مزید کہنا تھا کہ سپر ٹیکس سے پروڈکشن کم ہوگی، اس کے علاوہ ملک میں بےروزگاری اور غربت میں اضافہ ہوگا۔

اسحاق ڈار کی واپسی پر ان کا کہنا تھا کہ ڈارصاحب کا آنا حل نہیں، صاف شفاف الیکشن کرائیں، کیونکہ وہ تو ابھی بھی باہر سے بیٹھ کر ڈکٹیٹ کر رہے ہیں۔