کراچی: سندھ حکومت کے ترجمان مرتضیٰ وہاب نے کہا ہے کہ کراچی کے لوگوں کیلئے آسانیاں پیدا کرنے کی کوشش کر رہے ہیں۔

کراچی میں میڈیا سے گفتگو کرتے ہوئے مرتضیٰ وہاب نے کہا کہ کراچی میں مخلتف مقامات میں پلانٹیشن کا کام کیا، جہاں کام کرتے ہیں رکاوٹوں اور تکالیف کا سامنا ہوتا ہے۔

انہوں نے کہا کہ ہم کوئی کام کرتے ہیں تو کوئی عدالت چلا جاتا ہے، امید کرتا ہوں لوگ منفی سوچ ترک کرکے ہماری مدد کرینگے، ہم نے اختیارنہ ہونے کا بیانیہ ختم کردیا ہے۔

مرتضیٰ وہاب نے کہا کہ بارش ہوئی تو ہر بلدیاتی ادارہ سڑکوں پر موجود تھا، ماضی میں ناگن اور کے ڈی اے چورنگی پر پانی جمع ہوتا تھا۔

ان کا کہنا تھا کہ 6 ماہ کے دوران ہم نے 40 پارکوں کو بحال کیا ہے۔