اسلام آباد: وزیراعظم شہباز شریف ایک روزہ دورے پر گوادرروانہ ہوگئے، جہاں وہ ماہی گیروں سے بھی ملاقات کریں گے۔

تفصیلات کے مطابق وزیراعظم شہباز شریف ایک روزہ دورے پر گوادر روانہ ہوئے ہیں جبکہ وفاقی وزراء مولانا اسد محمود، سید نوید قمر، شاہزین بگٹی، احسن اقبال، آغا حسن بلوچ اورخرم دستگیر، مصدق ملک، طارق فاطمی اور سید فہد حسین بھی دورہ گوادر پر وزیراعظم کے ساتھ ہیں۔

گوادر آمد پر وزیراعظم اعلیٰ سطح کے اجلاس کی صدارت کریں گے، جس میں شہباز شریف کو گوادر میں ترقیاتی منصوبوں اور امن و امان کی صورتحال پر تفصیلی بریفنگ دی جائے گی۔

اس موقع پر وزیراعظم شہباز شریف ماہی گیروں سے بھی ملاقات کریں گےاوراسپتال کی مفاہمتی یادداشت پردستخط کی تقریب میں بھی شرکت گے۔

اس سے قبل 3 جون کو بھی وزیراعظم شہباز شریف ایک روزہ دورے پر کوئٹہ سے گوادر پہنچے تھے۔