بھارتی ریاست جھارکھنڈ کے گاؤں میں ایک نوجوان نے ایک ساتھ 2 لڑکیوں سے شادی کرلی۔

بھارتی میڈیا کے مطابق بھارتی ریاست جھارکھنڈ کے لوہردگا ضلع کے بانڈہ گاؤں میں انوکھی شادی منظرعام پر آگئی۔

سندیپ اورون نامی نوجوان سے شادی کرنے والی دو لڑکیوں میں کسم لکڑا اور سواتی کماری شامل ہیں، جن کا کہنا ہے کہ “ وہ دونوں دولہا سے محبت کرتی ہیں“۔

سندیپ اور لڑکی کسم لکڑا گزشتہ تین سال سے آپس میں تعلقات تھے جبکہ ان کا ایک بچہ بھی ہے، ان کی محبت کی کہانی نے ایک سال پہلے ایک موڑ لیا جب سندیپ مغربی بنگال میں اینٹوں کے بھٹے پر کام کرنے گیا۔

اسی وقت سندیپ کی ملاقات سواتی کماری سے ہوئی، جو وہاں کام کرنے آئی تھیں مگر گھر واپس آنے کے بعد بھی دونوں کی ملاقاتیں جاری رہیں۔

آخر کار ان کے گھر والوں اور گاؤں والوں کو ان کے رشتے کا پتہ چلا اور انہوں نے اس کی مخالفت شروع کر دی۔

تاہم لڑائی جھگڑوں کے بعد گاؤں والوں نے پنچایت بلائی اور فیصلہ ہوا کہ سندیپ کو دونوں عورتوں سے شادی کرنی چاہیے۔

آخر کار پنچایت کے فیصلے پر نہ خواتین اور نہ ہی ان کے گھر والوں نے اعتراض کیا۔